زمان وكنا ساكنين وقتها فى المحلة وانا فى اعدادى وثانوى وكنت فى مدارس حكومية وكان فى زميلين ليا :
- واحد ساكن فى اكتر منطقة شعبية فى المحلة ومش شعبية عادية .. لا ! دى سيئة السمعة للغاية تكاد تكون معرة ( بالحق أو بالباطل ) بس الزميل ده كانت اخلاقه وادبه يدرس ويحتذى به ولايمكن حتى كنت اعرف اقلده واوصل لنفس الأدب ده .
- التانى كان ابوه بيقف فى السوق بعربية يد اظن كان بيبيع ليمون
وكان آيه فى الأدب والشهامة والجدعنة
.. ماكنش صديق انتيم ليا لكن صديق لواحد زميلنا ابوه من اغنياء المحلة .
اللى عايز أقوله ان الأدب والأخلاق والشهامة مالهاش علاقة بالمكان اللى الانسان ساكن فيه وإن كان مؤثر جوهرى
وان ابنك لو مصاحب حد اقل من مستواك الاجتماعى لاتتدخل فى علاقته الا اذا لاحظت ان هذا الصاحب غير مؤدب واخلاقه منيله .. هنا تتدخل
ليست هناك تعليقات:
إرسال تعليق