شات جي بي تي وفّر عليا النهاردة ١٢٠ يورو! اللاب بيسخن بقاله فترة والمروحة صوتها عالي بشكل ملحوظ فتحته ونضفت المروحة وبرضو مفيش فضلت المشكلة مستمرة، خدته لمركز صيانة هنا قالي هيتكلف في حدود ١٢٠ يورو تقريباً لو متطلبش تغيير أي قطع فيه غير المروحة! يعني لو غيروا فيه اي حاجة المبلغ هايزيد !كلام فاضي طبعا اللاب جايبه من عشر سنين ب١٣ ألف أصلا يعني أكيد مش هدفعهم تاني في تصليحه..خدته ورجعت وقعدت أحاول فيه تاني لكن مفيش فايدة للأسف..فكرت أستعين بالحل اللي مجاش في بالي خالص بعيد عن فيديوهات اليوتيوب وهو Chat GPT ..دخلت قولتله ع المشكلة قالي طلع المروحة نضفها قولتله عملت كدا طبعا قالي غير الاعدادت بعدها من الpower management قولتله حصل طبعا قبل مافتح اللاب، قالي طب تأكد من أسلاك وتوصيلات المروحة قولتله والله حصصصصصل، قالي طب متتعصبش هقولك على حل أخير قبل مانصحك توديه لمركز صيانة متخصص..انت جربت تتأكد من الthermal paste صحيح؟ قولتله ايه دا؟ قالي دا معجون حراري بيكون تحت الأنبوب الأصفر اللي في الصورة دا قولتله لا معرفوش قالي طب يالا يابطل جرب كدا واوعدك هتلاقي نتيجة كويسة بس خلي بالك وانت بتفكه وبتركبه لأن المسامير دي ليها طريقة تركيب معينة يعني هتفكها بطريقة 4321 وهترجع تركبها بطريقة ١ ٣ ٢ ٤ اللي هي طريقة التركيب المتقاطع قولتله تمام ياعم الجوهري..عملت كدا وفكيته فعلا قولتله ها وبعدين؟ قالي غير المعجون دا ونصحني بنوع معين أشتريه ونزلت اشتريته وغيرته فعلا وسبته يوم زي ماقال والنهاردة أهو اللاب شغال طلقة من الصبح أهو ماشاء الله بدون أي صوت مروحة ولا سخونة في البوردة! مش قدر أوصفلكم حجم الإمتنان اللي جوايا لهذا الأبليكشن العطوف الحنون لدرجة إني مكسوف أدخل أقوله شكرا بس كدا!!
مدونة متخصصة فى الصحة ، تطوير الذات ، والمراجعات المفيدة - تشاركك محتوى عملى لتحسين حياتك اليومية
ليست هناك تعليقات:
إرسال تعليق