حكمة اليوم

 العلاقات غير المتكافئة لاتدوم

مشتريات اليوم ١٩ اغسطس ٢٠٢٤ شبشب كحلى

 اخويا اشترى شبشب كحلى من محل سواريه فى شارع الاقبال بسعر ٤٧٠ جنيه 

نموذج عقد بيع سيارة 🚙

 

ازاى تضمن حقوقك وانت بتبيع سيارتك

 كنا عايزين نبيع عربيتنا بس مش عارفين نضمن حقوقنا فسألنا الخبراء فى المجال ده اللى باعوا واشتروا عربيات كتير  فقالوا : 

بتجيب عقد بيع سيارة  من المكتبة وتكتب فيه بيانات البايع والمشترى وبيانات العربية    وتاريخ وساعة تسليم العربية للمشترى ودى مهمة جدا  عشان تخلى مسئوليتك عن العربية لانه ممكن لاقدر الله بعد مايخدها يعمل بيها حدثة او اى جريمة ، طبعا انت والمشترى هاتوقعوا على العقد وهاتاخد صورة بطاقته والافضل لو ماتعرفوش شخصيا  تبصموا على العقد

وبتكون مشترط ان المشترى يسجل ويتحمل مصاريف التسجيل عشان تتخلص من مسئولية العربية تماما بعد تسليمها

المشترى غالبا مش بيوافق لارتفاع مصاريف التسجيل وهو لسه دافع فى العربية فالحل يكون فى انك تعمل له توكيل مقفول فى الشهر العقارى  يعنى يبيع لنفسه فقط . .

بيدفع ثمن العربية بالكامل او يبقى ٥ الاف او عشر الاف وممكن يكون  الشرط الجزائى ٢٠ الف جنيه مثلا عشان مايخدش العربية يستعملها  كام يوم ويرجعها    

بعد سداد ثمن العربية بالكامل  او بالكامل نقاص ٥ الاف او ١٠ الاف جنيه والتوقيع ع العقد بيستلم المشترى العربية ورخصتها  

بتحجز عمل التوكيل من خلال تطبيق ارغب فى عمل توكيل ولو ماتعرفش اى سيبر يحجز لك   وتبلغ المشترى بالميعاد عشان يقابلك هناك ويسلمك باقى ثمن العربية وتعمل التوكيل وتسلمه الاصل ويمضى على صورة باستلامه 

وبكده يكون كل شىء عدى بسلام إن شاء الله 

٦ نصائح فاشلة لاتؤخذ بها

 

من مشتريات اليوم حذاء خفيف من نادى النصر

 اشتريت اليوم حذاء خفيف من نادى النصر سعره ٨٩٥ ج وهو نفس سعره من كذا شهر عنده

 

باشتغل صلى ع النبى

  واحد بيسألوه  إنت بتشتغل ايه بيقولهم باشتغل اهم شغلانه من غيرها الشغل مايخلصش

 باشتغل صلى  ع النبى

يعنى بيقعد  جنب الناس اللى بتشيل وتشتغل والناس اللى بتشتغل دى بتقول  هيلا هيلا  وهى بتشيل فيرد عليها ًو هو  قاعد مابيعملش حاجة ويقول صلى ع النبى  

صلى الله عليه وعلى آله وصحبه وسلم